Edhe pse ai kishte ndryshuar emrin, një urdhër për ekzekutimin e tij u lëshua nga Gjykata e Bergamos për një dënim me nëntë muaj burgim në lidhje me krime kundër pronës të kryera në vitin 2016.
Kontrolli u zhvillua pranë stacionit të shërbimit Pioppa Est, duke shkuar në veri. Oficerët ndaluan një makinë me dy persona brenda. Mjeti ishte raportuar disa orë më parë në provincën e Forlì-t në lidhje me disa vjedhje banesash.
Kur u kërkuan dokumente, pasagjerët dukeshin veçanërisht nervozë, dhe një kontroll i mëvonshëm zbuloi parfum dhe para në automjet, që besohet se lidhen me vjedhjet në zonën e Forlì-t. Dy pasagjerët u akuzuan për marrjen e mallrave të vjedhura.
Falë identifikimit me foto, u zbulua më vonë se 38-vjeçari kishte edhe një urdhër arresti në fuqi.
Një kontroll fillestar nuk kishte zbuluar dënimin sepse shqiptari, pasi u largua nga Italia në vitin 2016, kishte ndryshuar mbiemrin e tij në Shqipëri (një procedurë e rregullt në atë vend, shkruan media italiane), ndoshta në një përpjekje për t’iu shmangur drejtësisë.
