ër herë të dytë brenda pak ditësh, Elijah Blue Allman, djali 49-vjeçar i ikonës së muzikës Cher, është arrestuar në shtetin e New Hampshire, këtë herë me akuza për vjedhje me thyerje dhe shkelje të kushteve të lirimit me kusht.
Sipas një deklarate të Departamentit të Policisë në Wyndham, Allman dyshohet se hyri me forcë në një banesë të dielën. Një grua që ndodhej në shtëpi u fsheh në një dollap deri në mbërritjen e autoriteteve. Policia e gjeti 49-vjeçarin duke pirë duhan në divanin e dhomës së ndenjes. Nuk raportohet për sende të vjedhura, por dyshohet se ai shkaktoi rreth 1,700 dollarë dëme në derë dhe 1,000 dollarë të tjera në një qilim, pasi mbi të ra një cigare e ndezur.
Allman u përball gjithashtu me dy akuza për dëmtim të pronës së një tjetri dhe, gjatë paraqitjes në gjykatë të hënën, iu caktua paraburgim parandalues.
Cher’s son arrested for second time in days after assault and trespassing bust https://t.co/gDO3vOAsNM pic.twitter.com/8s6xHctUR3
— Page Six (@PageSix) March 2, 2026
Ky arrestim vjen vetëm disa ditë pasi ai ishte ndaluar nga policia në Concord, New Hampshire, për sulm të dyshuar dhe shkelje prone në shkollën St. Paul. Sipas policisë, autoritetet iu përgjigjën një telefonate për një person që po krijonte shqetësim dhe po vepronte në mënyrë agresive. Allman, djali i Cher dhe muzikantit të ndjerë Gregg Allman, u akuzua për dy raste sulmi të thjeshtë, kërcënim, shkelje prone dhe prishje të qetësisë.
Ai ishte liruar me kusht dhe pritej të paraqitej sërish në gjykatë në një datë të mëvonshme, ndërsa mbetet e paqartë arsyeja e pranisë së tij në ambientet e shkollës.
Në të kaluarën, Allman ka folur hapur për problemet me varësinë nga droga, ndërsa mediat e huaja raportojnë se ai ishte shtruar në spital qershorin e kaluar pas një mbidoze.
