Kryeministri i Estonisë, Kristen Michal, deklaroi se zjarrvënia në objektin e kompanisë Milrem Robotics në Tallinn ishte një akt sabotazhi i organizuar nga shërbimet ruse të inteligjencës.
Ky është përfundimi i arritur nga Departamenti i Policisë së Sigurisë së Estonisë pas hetimit të ngjarjes.
Zjarri u shkaktua gjatë natës së 15 gushtit. Sipas kryeministrit Michal, sabotazhi ishte pjesë e një fushate më të gjerë ruse, që synon dobësimin e mbështetjes për Ukrainën.
Në shtator, Letonia i dorëzoi Estonisë tre persona të dyshuar për përfshirjen në zjarrvënie. Gjykata vendosi masën e arrestit në burg ndaj tyre.
