Po dalin në media mesazhet mes Vlora Hysenit dhe Ergys Agasit, për të cilat SPAK thotë se kanë natyrë të ndryshme nga ajo që ish-drejtoresha e SHISH ka pretenduar se bëheshin në cilësinë e bashkëpunëtorit. Në qindra telefonata dhe video-call, duket se Gys Agasi informohej në kohë reale për lëvizjet e policisë dhe çfarëdo informacioni që dispononte SHISH në lidhje me të dhe njerëzit që e rrethonin.
Në momentin që u arrestua Agasi kishte në makinë edhe dokumenta të SHISH, ndërsa nga zbërthimi i telefonit të tij u gjetën edhe mesazhet që nxjerrin zbuluar Vlora Hysenin.
Në një mesazh Vlora Hyseni i thoshte Ergys Agasit “Zemër, thjesht duhet të koncentrohemi te halli jot. Të gjithë ne. Do përfundojmë keq, shpirt”, raporton sot Report Tv.
Në një mesazh 4 ditë para arrestimit Vlora Hyseni i shkruante Ergys Agasit: “Na kanë bërë shumë gjëra o shpirt…do ia hedhim…problemi është koha.”
